Жаңалықтар
Халықаралық медицина факультетінің 2-курс студенттері 2026 жылғы 27 ақпанда Қарағанды қаласында Орталық Қазақстан академиясында өткен «Ғылым және жастар: Жаңа идеялар мен шешімдер» атты студенттер, магистранттар және докторанттардың XII Халықаралық ғылыми-теориялық конференциясына белсенді қатысты. Студенттер білім беру және медициналық білім беру саласындағы өзекті тақырыптарын, олардың заманауи сын-қатерлерін, атап айтқанда цифрлық трансформация мен жасанды интеллекттің білім беру үдерістеріне ықпалын, сондай-ақ медицина студенттері мен медицина қызметкерлері арасындағы менталдық денсаулық пен әл-ауқат мәселелерін талқылады. Ұйымдастырушылар студенттердің жоғары дайындық деңгейін ерекше атап өтті. Студенттерді Қазақстан тарихы және әлеуметтік-саяси пәндер кафедрасының оқытушылары: қауымдастырылған профессор Битенова Б.С., ассистент профессор Мингишева Н.А. және ассистент профессор Оспанова М.Б. дайындады.
