Жаңалықтар

2026 жылғы 31 наурызда Қарағанды медицина университетінің Қоғамдық денсаулық сақтау мектебінің қызметкері, қауымдастырылған профессор Мамытов Алмаз Айғынұлы Қарағанды қаласы Қазыбек би атындағы ауданның санитариялық-эпидемиологиялық бақылау басқармасы ұйымдастырған «Бруцеллезді ерте диагностикалау және саралау бойынша оқыту» атты семинарға қатысты.
Семинар аясында ол «Бруцеллез — эпизоотиядан адам ауруына дейінгі сектораралық мәселе және эпидемиологтың қадағалау мен профилактика жүйесіндегі рөлі» тақырыбында баяндама жасады.
Семинар жұмысына Қарағанды қаласының емханалары мен стационарларының эпидемиологтары қатысып, ерте диагностика, саралау, сектораралық өзара іс-қимыл және эпидемиологиялық қадағалауды жетілдіру мәселелері практикалық тұрғыдан талқыланды.
Осындай кәсіби алаңдарға қатысу тәжірибе алмасуға, мамандар арасындағы өзара іс-қимылды нығайтуға және профилактикалық әрі эпидемияға қарсы жұмыстың сапасын арттыруға ықпал етеді.