Жаңалықтар

2024 жылдың 9 қарашасында «Самарқанд Мемлекеттік Медицина Университетінің» Педиатрия факультеті, «Ішкі аурулар» кафедрасы мен АЕҚ «Қарағанды Медицина Университеті» «Отбасылық медицина» кафедрасы арасында студенттік ғылыми қоғамдық конференция өтті. Конференция онлайн форматта болды. Конференцияға 6 курс және 7 курс интерндері қатысты. Студенттік ғылыми үйірмеден 6014 топ интерндері Анафина Адия және Аширбекова Маржан қатысты. Ғылими жұмыста  «Стационардан тыс пневмонияның диагностикасы мен емі» тақырыбында баяндама жасалды.  Баяндама жетекшісі «Отбасылық медицина» кафедрасының ассисстент-профессоры Батырбекова Лазат Сарсенбаевна.
Шара барысында пневмонияның түрлері, пневмонияның диагностикасы мен емі, сондай-ақ алдын алу шаралары талқыланды. Балалардағы пневмонияның таралуы мен иммунопрофилактикасына ерекше көңіл бөлінді. Интерндер тақырыпты толық ашып, терең және жан-жақты түсінгендігін көрсетті. Халықаралық студенттік ғылыми қоғамдық конференция интерндердің біліммен, тәжірибемен және идеялармен алмасуға мүмкіндігін берді.