Жаңалықтар

Дүниежүзілік ӨСОА-мен күрес күні аясында, Облыстық клиникалық аурухананың ТК базасында «ӨСОА мектебі» атты білім беру кездесуі өтті. Іс-шараны ішкі аурулар кафедрасының профессоры, медицина ғылымдарының докторы Ибраева Л.К., пульмонология бөлімшесінің меңгерушісі, клиникалық тәлімгер Ныгиметова А.А. және «Пульмонология (ересектер, балалар)» мамандығы бойынша бірінші жыл резиденттері ұйымдастырды.
Іс-шара барысында пациенттерге созылмалы обструктивті өкпе ауруының негізгі аспектілері туралы дәріс оқылды: оның себептері, аурудың ағымы және тиімді терапияның қағидаттары түсіндірілді. Ерекше назар өкпені қалпына келтіру және өмір сүру сапасын жақсарту әдістеріне арналды.
Қатысушыларға ингаляторлар мен небулайзерлерді дұрыс қолдану техникасы көрсетілді, бұл емдеу нәтижелілігі үшін аса маңызды. Сонымен қатар аурудың алдын алу мәселелері талқыланды - темекі шегудің зияны және оның ӨСОА дамуына әсері жөнінде түсіндіру әңгімесі жүргізілді.
Кездесу соңында ашық сұрақ-жауап сессиясы өтті: Ибраева Л.К. мен Ныгиметова А.А. пациенттердің барлық сұрақтарына жауап беріп, күмәндерін сейілтіп, ұсыныстарын жеткізді. Осылайша әрбір қатысушыға түсінікті әрі қолжетімді ақпарат ұсынылды.