Жаңалықтар

2026 жылдың 10-шы наурыздында профессор Арнольд Эдуардович Шкутиннің дүниеден өткенін қайғыра хабарлаймыз.

Арнольд Эдуардович ұзақ та жемісті еңбек жолынан өтті. 1956 жылы Алматы медицина институтын бітіргеннен кейін Ақмола облысы Алексеевка аудандық санитарлық-эпидемиологиялық станциясының бас дәрігері болып жұмыс істеді. 1958 жылдың наурызынан бастап Алексеевка аудандық ауруханасының бас дәрігері қызметін атқарды, онда қосымша дәрігер-патологанатом болып еңбек етті.

1960 жылдан бастап Қарағанды медицина институтының патологиялық анатомия кафедрасының ассистенті лауазымында жұмыс істей бастады.

1968 жылы Алтай мемлекеттік медицина институтында «Азотемиялық уремия кезіндегі өкпе зақымдануының патологиялық анатомиясы мен патогенезі» тақырыбында кандидаттық диссертация қорғады. 1969 жылдың қыркүйегінен бастап — кафедра доценті, 1975 жылдың шілдесінен 1985 жылдың шілдесіне дейін — ҚММИ патологиялық анатомия кафедрасының меңгерушісі, 1988 жылдың ақпанынан 2002 жылдың мамырына дейін кафедра профессоры болды.

Арнольд Эдуардович Қазақстан Республикасында алғашқылардың бірі болып морфологиялық зерттеуге электронды микроскоп әдісін енгізді, тас көмірден туындаған эксперименталды антракоздың морфогенезі мен патологиялық анатомиясын сипаттады.

Зерттеу нәтижелері «Тас көмірден туындаған антракоздың патологиялық анатомиясы мен морфогенезі» (1987 ж.) атты докторлық диссертациясына, «Антракоз» монографиясына және кәсіби шаң патологиясының морфологиясы бойынша бірқатар әдістемелік ұсынымдарға негіз болды.

Профессор А.Э. Шкутин дәрі-дәрмек шогы мен ятрогендік патологияның патологанатомиялық диагностикасын зерттеуге көп уақыт бөлді. Ол патологиялық анатомия және сот медицинасы саласындағы жоғары білікті маман болды, жоғары санатты дәрігер-патологоанатом және сот-медициналық сарапшы біліктілігіне ие еді. Түрлі саладағы практик дәрігерлер мен ғылыми қызметкерлерге консультативтік көмек көрсетті. Сонымен қатар, ол 1963 жылы ҚММИ-де студенттік құрылыс отрядтарының алғашқы ұйымдастырушысы болды және жоғары оқу орнының партиялық, кәсіподақ органдарындағы қоғамдық жұмыстарға зор үлес қосты.

Арнольд Эдуардович өресі биік, эрудициясы мол жан еді. Ол классикалық шетелдік және отандық әдебиетті жетік білетін, поэзияны сүйетін және өзі де өлең шығаратын. Оның медицина мәселелеріне арналған ғылыми еңбектерімен қоса, «Мои творила» атты төрт өлеңдер жинағы жарық көрді.

Арнольд Эдуардович ақжарқын, қызықты сұхбаттас, зиялы әрі биязы адам ретінде танылды. Ол әріптестері мен студенттері үшін нағыз үлгі болды, оның дәрістері әрқашан мазмұнды әрі әсерлі өтетін. Соңғы жылдары лайықты демалыста болса да, шығармашылық қызметпен айналысуын жалғастырып, Киров қаласында (Ресей) тұрды.

Қарағанды медицина университетінің профессор-оқытушылар құрамы мен патологиялық анатомия кафедрасының ұжымы Арнольд Эдуардовичтің туған-туыстары мен жақындарына қайғыларына ортақтасып, көңіл айтады.

Әріптесіміз, Ұстаз бен Тәлімгер туралы естелік оның әріптестерінің, шәкірттері мен студенттерінің жадында мәңгі сақталады.