Жаңалықтар

2024 жылдың 13 қарашасы мен 2 желтоқсаны аралығында студенттердің академиялық ұтқырлық бағдарламасы аясында біздің университетімізге «Астана медицина университеті» КеАҚ 6В10101 «Мейіргер ісі» білім беру бағдарламасының 4-001 тобының студенттері келіп, «Паллиативтік көмек» пәні бойынша оқуын сәтті аяқтады.


Курс шеңберінде олар «№3 көпсалалы аурухана» ШЖҚ КМК, сондай-ақ «Профессор Х.Ж.Мақажанов атындағы көпсалалы аурухана» сияқты Қарағанды қаласының жетекші медициналық мекемелеріне баруды қамтитын қарқынды практикалық дайындықтан өтті.
Сабақ барысында белсенді оқыту әдістеріне баса назар аударылды. Студенттер паллиативтік көмектің теориялық аспектілерімен танысып қана қоймай, іс жүзінде аурудың соңғы сатысындағы науқастармен жұмыс істеудің маңызды дағдыларын игеруге мүмкіндік алды.
Қарағанды медицина университетінің мейіргерлік білім беру мектебінің оқытушылары мен ассистенттері практикалық дағдылар орталығында модельдеу, рөлдік ойындар, клиникалық жағдайларды шешу және топтық жұмыс сияқты интерактивті әдістерді қолданды.


 Қарағанды медицина университетінде оқу студенттерді даярлаудағы маңызды кезең болды, оларды ерекше тәсілді, жоғары эмпатия мен кәсібилікті талап ететін паллиативтік медицина саласында жұмыс істеу үшін қажетті білім мен дағдылармен қамтамасыз етті.