Жаңалықтар

Қарағанды медицина университетінің халықаралық медицина факультетінің 2-курс студенттері мұражайға экскурсия жасады 2025 жылғы қыркүйек айында Халықаралық медицина факультетінің 2-курс студенттері Қазақстан тарихы және қоғамдық-саяси пәндер кафедрасының ассистенті Галина Галия Фанильевнаның жетекшілігімен Қарағанды медицина университетінің тарихы және жетістіктері мұражайына экскурсия жасады.
Іс-шара барысында студенттер Қазақстандағы медициналық білім мен денсаулық сақтау саласының дамуына зор үлес қосқан университеттің бұрынғы декандары, профессорлық-оқытушылар құрамы және түлектері жайлы құнды мағлұматтар алды. Олар сирек кездесетін фотосуреттерді, жеке артефактілерді, тарихи құжаттарды тамашалап, университет тарихының тереңдігіне көз жеткізді.
Мұражай директоры Наиля Фуадбекқызы Сайфулинамен өткен мазмұнды сұхбат барысында студенттер медициналық білім беру жүйесінің қалыптасуы мен дамуындағы Қарағанды медицина университетінің маңызды рөлі туралы жан-жақты мағлұмат алды.
Экскурсия соңында студенттер өз әсерлерімен бөлісті:
«Мұражай маған медициналық білім беруде терең дәстүрлері бар университеттің бір бөлшегі екенімді сезінуге мүмкіндік берді. Бұл мен үшін үлкен мақтаныш», – деді бір студент.
«Мен өмірін Қазақстандағы және жаһандық медицина ғылымының дамуына арнаған ҚМУ түлектерінің жетістіктерінен шексіз шабыт алдым», – деп атап өтті басқа студент. Экскурсия студенттердің университетпен байланысын нығайтып, олардың Қарағанды медицина университетінің бай мұрасын бағалап, оны мақтаныш ету сезімін тереңдетті.

Қазақстан тарихы және қоғамдық-саяси пәндер кафедрасының ассистенті Галина Галия Фанильевна