Жаңалықтар

2025 жылғы 12 қыркүйекте Қарағанды медицина университетіне Оңтүстік Кореяның Кёнгбук ұлттық университетінің реабилитациялық медицина кафедрасының профессоры Чон Тхэ Ду келді.



Сапар барысында профессор Қарағанды медицина университетінің ректормен кездесіп, медицина және білім беру саласындағы ынтымақтастықты дамыту перспективаларын талқылады. Кездесу қорытындысы бойынша академиялық әріптестікті нығайтуға бағытталған өзара түсіністік туралы меморандумға қол қойылды.
Сонымен қатар профессор Чон Тхэ Ду Қарағанды медицина университетінің дәрігерлері мен қызметкерлеріне нейрореабилитацияның заманауи тәсілдеріне арналған дәріс оқыды. Қатысушылар тәжірибе алмасып, ғылыми зерттеулердің өзекті бағыттарын талқылау мүмкіндігіне ие болды.



Қарағанды медицина университеті профессор Чон Тхэ Ду мырзаға алғысын білдіреді және Кёнгбук ұлттық университетімен жемісті ынтымақтастықтың жалғасатынына сенім артады.