Жаңалықтар

2025 жылғы 23-24 қазан күндері «Қарағанды медицина университеті» КеАҚ өкілдері Ресей Федерациясының Самара қаласында өткен «Ішкі аурулар дәрігерінің тәжірибесіндегі өзекті нефрология мәселелері» атты халықаралық қатысумен ұйымдастырылған ІІІ Бүкілресейлік ғылыми-тәжірибелік конференцияға қатысты. Конференция барысында ішкі аурулар кафедрасының қауымдастырылған профессоры И.В. Бачева - «Диализдегі пациенттерге SGLT2 тағайындау мүмкіндіктері. Алғашқы клиникалық нәтижелер» тақырыбында, сондай-ақ ішкі аурулар кафедрасының профессоры Д.Х. Рыбалкина - «Спортшылардағы бүйрек дисфункциясы қаупінің генетикалық детерминанттары: AGT (rs699) және AQP1 (rs1049305) полиморфизмдерінің рөлі» тақырыбында баяндама жасады.





Жас ғалымдар секциясында «Түпнұсқалық зерттеу» номинациясы бойынша ІІ және ІІІ дәрежелі дипломдармен марапатталғандар: Д.А. Жумагалиева, «Медицина» білім беру бағдарламасы бойынша 2-курс докторанты - «Спортшылардың метаболикалық профилінің молекулалық-генетикалық негіздері: бүйрек функциясына назар» тақырыбындағы баяндамасы үшін; Г.Б. Хамраева, «Нефрология (ересектер, балалар)» мамандығы бойынша 2-курс резиденті - «Спортшылардағы биоимпеданс векторының ығысуы мен бүйрек функциясы арасындағы байланыс» тақырыбындағы баяндамасы үшін.
Конференцияда амбулаториялық тәжірибедегі пәнаралық тәсіл, созылмалы бүйрек ауруы бар пациенттерді жүргізудің ерекшеліктері, кардиоренометаболикалық синдром, бүйрек алмастыру терапиясының өзекті мәселелері, сондай-ақ нефрологиялық тәжірибедегі ғылыми зерттеу нәтижелері мен клиникалық жағдайлар талқыланды. Іс-шара аясында Самара мемлекеттік медицина университетінің клиникасы таныстырылып, онда бүйрек, жүрек және бауыр трансплантациясы, сондай-ақ ортопедиялық импланттардың 3D-басып шығарылуы сияқты медициналық көмектің көлемі көрсетілді. Конференция барысында Мәскеу, Санкт-Петербург, Тольятти, Самара, Ульяновск, Нижний Новгород, Салоники (Грекия) және Қарағанды (Қазақстан) қалаларының жетекші медициналық орталықтарынан келген ғалымдар мен клиницистер тәжірибе алмасты.