Жаңалықтар

Симуляциялық және білім беру технологиялары орталығының басшысы Кемелова Гүлшат Сейітмұратқызы Дүниежүзілік денсаулық сақтау ұйымының (ДДҰ) Еуропалық аймақтық бюросының «Науқастардың қауіпсіздігін жақсарту үшін симуляция қолдану бойынша нұсқаулықты әзірлеу» жобасы бойынша халықаралық зерттеу тобына енгізілді. Зерттеу тобының барлық мүшелері сұхбаттарды және олардың кәсіби және жеке тәжірибесін жан-жақты талдауды қоса алғанда, қатаң іріктеу процесінен өтті. Зерттеу тобына Ұлыбритания, Португалия және Норвегиядан жетекші сарапшылар кіреді.
Бұл жоба пациенттердің қауіпсіздігі мәдениетін нығайту үшін имитациялық әдістерді денсаулық сақтау және медициналық білім беру жүйелеріне интеграциялау бойынша халықаралық ұсыныстар әзірлеуге бағытталған.
Г.С.Кемелованың зерттеу тобына қатысуы оның кәсіби тәжірибесі мен Орталық Азия елдерінде симуляциялық білім беруді дамытуға қосқан үлесін мойындайды. Ол 15 жыл бойы сарапшылық кеңестерге қатысып, бар тәжірибелерді талдап, ұлттық және аймақтық деңгейде медициналық оқыту бағдарламаларына симуляциялық және инновациялық технологияларды енгізу бойынша ұсыныстар әзірлеуде. Жақында Кемелова Альберта университетінің (Канада) зерттеушілерімен бірге Q1Scopus жоғары денгейлі «Мейірбике ісіндегі клиникалық симуляция» журналында «Симуляциядағы қиындықтың жаһандық сауалнамасы: анықтамасы, жиілігі және сипаттамасы» атты мақаласын жариялады. Қазіргі уақытта Кемелова Г.С. FAIMER халықаралық институтында стипендиялық бағдарлама бойынша білім алуда және осы институттың бүкіл тарихындағы Қазақстанның бірінші және жалғыз өкілі болып табылады.
ДДҰ халықаралық зерттеу тобына қазақстандық өкілдің қосылуы медициналық білім беру және пациенттердің қауіпсіздігін қамтамасыз етудегі жаһандық күн тәртібін қалыптастырудағы отандық мамандардың рөлін мойындаудың артып келе жатқанын көрсетеді.