Жаңалықтар

2025 жылдың 2 қазанында «Емдеу ісі» білім беру бағдарламасының (ТжКБ деңгейі) 1-курс білім алушылары әлеуметтік-экономикалық пәндер оқытушысы Сұраған Маяның жетекшілігімен оқу үдерісі аясында «Қазақстан тарихы» пәнінен Академик Е.А. Бөкетов атындағы Қарағанды ұлттық зерттеу университетінің Археология және этнография музейіне барды.



Экскурсияны мұражай жетекшісі Бедельбаева Марина Васильевна жүргізіп, студенттерге өңір тарихы, археологиялық олжалары мен этнографиялық мұралары туралы қызықты, әрі тартымды әңгімелеп берді.
Мұражай экспозициясы ежелгі тайпалардың бай да сан қырлы тарихын қамтып, археология ғылымының соңғы жетістіктерін көрсетеді. Залдарда көне дәуірлердің бірегей артефактылары мен қазақ халқының материалдық мәдениетінің құнды заттары қойылған.




Тас дәуірінен орта ғасырларға дейінгі адамзат тарихының барлық негізгі дәуірлерін қамтитын 20 көрнекілік білім алушылардың ерекше назарын аударды. Сондай-ақ, қола дәуіріндегі жерлеуді қайта құру, көне түркі тас мүсіндері, үңгір бейнелерін (петроглифтерді) заттай көлемде инсталляциялау және қазақтың көне киіз үйі ұсынылды.
Осындай экскурсиялар білім алушылардың дүниетанымын кеңейтіп, туған өлкенің тарихи-мәдени мұрасына құрметпен қарауға тәрбиелейді.