Жаңалықтар

25-қазан Республика күні!
Қазан айының 23-жұлдызында Қазақстан тарихы және әлеуметтік -саяси пәндер кафедрасының оқытушысы Алипбекова Гулайым Байжанқызының жетекшілігімен “Медицина” мамандығының 1-003 тобымен “ Егемен елдің еңсесі биік ” атты іс- шара өткізді.
Шара барысында студенттер Қазақстан Республикасының қалыптасу тарихына шолу жасап, Тәуелсіздік жылдарындағы маңызды оқиғаларды еске алды. Сонымен қатар, ойындар ұйымдастырылып, қатысушылар белсенді түрде атсалысты.



Мерекелік көңіл-күйді студенттердің өздері шығарған патриоттық әндері мен өлеңдері жандандырды. Әрбір өнер көрсетілімінде елге деген сүйіспеншілік пен мақтаныш сезімі айқын көрінді.
Аталған іс-шараға кафедраның қауымдастырылған профессоры Битенова Бағдат Сәбитқызы бастаған 1-001 “МПД” тобының студенттері қатысты.
Іс-шара жоғары деңгейде өтіп, студенттерге ел тарихының маңызын тағы бір мәрте сезіндірді. Республика күні – әр азамат үшін Тәуелсіздіктің қадірін ұғындыратын, бірлік пен болашаққа сенім ұялататын ерекше мереке екені атап өтілді.