Жаңалықтар

Елбасының Қазақстан халқына Жолдауының негізгі ережелерін және кафедраның білім беру жоспарын жүзеге асыру аясында 2025 жылдың 7 қазанында Қазақстан тарихы және әлеуметтік-саяси пәндер кафедрасында «Медицина» бағдарламасының 2-курс студенттерінің басын қосқан жиын өтті.
Арнайы шақырылған Қарағанды облыстық адвокаттар алқасының адвокаты Хабарова Евгения Сергеевна «Медициналық саладағы немқұрайлылық және оның салдары: қателіктер мен жауапкершілікке құқықтық көзқарас» тақырыбында өзекті дәріс өткізді.



Спикердің айтуынша, мұндай кездесу дәрігерлік қателіктер мен дұрыс қойылмаған диагноздарға байланысты сот істерінің көбеюіне орай қажетті іс-шара болып табылады. Адвокат заңгерлердің дәрігердің салғырттығы немесе немқұрайлылығы науқасқа ауыр зардаптар әкелген жағдайларға жиі тап болатынын атап өтті.
Соңғы кезде дәрігерлерге науқастардың туысқандарының тарапынан шабуыл жасау жағдайлары жиіленіп кетті. Бұл мәселе алаңдатарлық сипат алып, медициналық қызметкерлердің қауіпсіздігіне қауіп төндіреді. Мұндай оқиғалар жиі болып тұрады және медицина қызметкерлері арасында алаңдаушылық тудырады.
Баяндамашы құқық бұзушылықтар үшін медицина мамандарының жауапкершілігінің құқықтық аспектілерін түсіндіруге, сот тәжірибесінен мысалдармен бөлісуге және соңғы уақытта Қазақстанда орын алған көрнекі жағдайларға тоқталды. Әсіресе медициналық қателік үшін қылмыстық жауапкершілік мәселесіне, денсаулыққа қарсы қылмыстардың белгілеріне және дәрігерді қылмыстық жауапкершілікке тартудың құқықтық негіздеріне ерекше назар аударылды.
Студенттерге пациенттердің құқықтары, нашар медициналық көмекке шағымдану тәртібі, дәрігерлердің кәсіби жауапкершілігін сақтандыру шарттары және құжаттаманы дұрыс ресімдеудің салдары туралы айтылды.



Жанжалдардың алдын алудың құқықтық тетіктеріне, заңды жауапкершілікті барынша азайтуға және медициналық көмек көрсету кезінде туындайтын қиын жағдайларда дәрігердің мінез-құлқы бойынша ұсыныстарға ерекше көңіл бөлінді.
Бұл шара студенттерде үлкен қызығушылық тудырды. Дәріс-сұхбат соңында пікір алмасу өтті, студенттер көптеген қызықты сұрақтар қойып, олардың басым көпшілігі адвокаттың байланыс деректерін қосымша кеңес алу үшін сұрады.
Мұндай кездесулер медицина қызметкерлерінің құқықтық санасын арттыруға, құқық бұзушылықтардың азаюына және дәрігерлердің пациенттермен жұмыс істеу барысында дұрыс мінез-құлық моделін қалыптастыруға бағытталған.
Бұл іс-шараның модераторлары кафедра оқытушылары: PhD, Қазақстан тарихы және ӘСП кафедрасының қауымдастырылған профессоры Битенова Бағдат Сәбитқызы, Қазақстан тарихы және ӘСП кафедрасының профессор ассистенті Джакупова Динара Ермекқызы.