Жаңалықтар

15 қазан – Дүниежүзілік сүт безі обырына қарсы күрес күні.
ҚМУ – де «Денсаулық – зор байлық» атты дөңгелек үстел өтті, оның тақырыбы - әйелдерді сүт безінің қатерлі ісігі ауруы кезіндегі оңалту мәселелері болды.
Ұйымдастырушылар облыстық мәслихаттың әлеуметтік-мәдени даму жөніндегі комиссиясы мен облыстың кәсіподақ орталығының қолдауымен Қарағанды медицина университеті мен «Өмір сыйла» қайырымдылық қоры болды.



Дөңгелек үстел жұмысына Қарағанды облысы әкімінің орынбасары А.У.Алденей, ҚМУ Басқарма Төрағасы – Ректоры Б.Н.Кошерова, университет профессорлары, депутаттар, студенттер қатысты.
- Бүгінгі таңда Қазақстанда сүт безі қатерлі ісігі сияқты аурудың алдын алуға, ерте анықтауға және уақтылы білікті көмекке көп көңіл бөлінеді.
Мемлекет осы бағытта бұрын – соңды болмаған шаралар қабылдауда-скринингтік тексерулер, емдеу тегін және қолжетімді болып табылады. Скринингтің мемлекеттік бағдарламасын енгізу еліміздің әйел халқының денсаулығын қорғауға зор үлес қосты, – деп атап өтті ҚМУ Басқарма Төрағасы-Ректоры Бақыт Нұрғалиқызы Көшерова.
Дөңгелек үстелдегі кездесу бар мәселелерді белгілеп қана қоймай, сонымен қатар аурушаңдықты төмендету, еліміздің сүт безі қатерлі ісігі ауруымен бетпе - бет келген әйелдерінің өмір сүру сапасын жақсарту жөніндегі міндеттерді шешудегі жаңа қадамдарды жинақтауға мүмкіндік берді.