Жаңалықтар

Қарағанды медицина университетінде Қарағанды облысының Қоғамдық кеңесінің қатысуымен ұйымдастырылған Денсаулық сақтау және білім беру ардагерлерімен кездесу өтті.
Басқарма Төрағасы – Ректор Көшерова Бақыт Нұрғалиқызы ардагерлерге еңбегі үшін, ЖОО-да қалыптасқан берік дәстүрлері үшін жылы лебіздерін білдірді.



- 75 жыл бойы Қарағанды медицина университетінде керемет, жоғары кәсіби профессорлық-оқытушылық ұжым жұмыс істейді. Біздің университеттің даңқты есімі студенттерге кәсіби білім беріп қана қоймай, шешім қабылдауға және олар үшін жауапкершілікті өз мойнына алуға үйрететін ардагер оқытушыларымыздың адал және жемісті еңбегінің арқасында қалыптасты, - деп атап өтті Бақыт Нұрғалиқызы.
Кездесуде «күміс тәлімгерлер» болашақ дәрігерлердің жас буынымен баға жетпес тәжірибелерімен бөлісті. Әрбір қатысушы осындай диалогтардың маңыздылығын түсінді.