Жаңалықтар
21 және 27 ақпанда университет түлектері "Бос жұмыс орындары жәрмеңкесіне" белсенді қатысты. ҚМУ Карьераны дамыту орталығы және Қарағанды, Қарағанды, Павлодар, Ақмола, Қостанай, Солтүстік Қазақстан және Ұлытау облыстарының медициналық ұйымдары кәсіби байланыс орнату мақсатында нетворкинг ұйымдастырды.
Жәрмеңке 500 жас маман мен 50 әлеуетті жұмыс беруші арасында тиімді өзара әрекеттесу алаңына айналды.
Медициналық мекемелердің өкілдері түлектерге жұмысқа орналасу мүмкіндіктері, еңбек шарттары, әлеуметтік кепілдіктер және жас мамандарды қолдау бағдарламалары туралы айтып, жалпы практика дәрігерлері, тар мамандандырылған мамандар, медициналық зертханашылар, эпидемиологтар және басқа да бағыттар бойынша бос жұмыс орындарының кең спектрін ұсынды.
Қарағанды облысының санитарлық-эпидемиологиялық бақылау департаменті де нетворкингке қатысып, түлектерге санитарлық-эпидемиологиялық қадағалау саласындағы жұмысқа орналасу мүмкіндіктерін ұсынды. Олар аурулардың алдын алу және бақылау саласында білікті мамандар даярлаудың маңыздылығын атап өтіп, бұл салада мансаптық өсудің мүмкіндіктері туралы айтты.
Студенттер әртүрлі ұйымдардың өкілдерімен жеке сөйлесуге, қызықтырған сұрақтарын қоюға, жұмысқа орналасу процесі мен біліктілік талаптары туралы толығырақ білуге мүмкіндік алды. Бүгінде жас медицина мамандары қосымша жеңілдіктерге, тұрғын үймен қамтамасыз етілуге, көтерме төлемдерге, өңірлік ауруханаларда қолайлы жұмыс жағдайларына, сондай-ақ мемлекеттік қолдауға сене алады.
Бұл кездесу жұмыс берушілерге болашағы зор жас мамандарды тартуға, ал түлектерге еңбек нарығының ерекшеліктерін жақсы түсінуге және пайдалы кәсіби байланыстар орнатуға мүмкіндік берді.
Карағанды медицина университетіндегі бос жұмыс орындар жәрмеңкесі жас мамандарды денсаулық сақтау саласында жұмысқа орналастыру жүйесін дамытуға ықпал еткен маңызды оқиға болды.
