Жаңалықтар

2026 жылы 20 ақпан күні “Патофизиология” Студенттік ғылыми үйірме мен Студенттік ғылыми қоғамның ұйымдастыруымен 3–4 курс «Медицина» мектебі студенттеріне арналған патофизиологиялық үдерістерді жануарлар ағзасына эксперименттік моделдеу бойынша дөңгелек үстел өткізілді. Іс-шараның негізгі мақсаты – студенттердің ғылыми-зерттеу құзыреттілігін арттыру, теориялық білімді практикалық тәжірибемен ұштастыру және болашақ дәрігерлік дағдыларды дамытуға бағытталған тәрбиелік-ғылыми жұмыстарды жетілдіру болды.
Тәжірибелік сабақ барысында студенттер егеуқұйрықтарға эксперименттік зерттеу жүргізу әдістерімен танысып, патофизиологиялық үдерістердің жеңіл формаларын бақылаумен қатар, өкпе ісінуі және қабыну үдерістерінің даму механизмдерін зерттеді. Зерттеу жұмыстары барысында студенттер анатомиялық, патанатомиялық, биохимиялық, физиологиялық және патофизиологиялық білімдерін кешенді түрде пайдаланып, ғылыми деректерді талдау дағдыларын жетілдірді.



Бұл іс-шараның ерекшелігі — Болондық білім беру жүйесінің белсенді оқыту әдістерін қолдануында болды. Болондық әдістер студенттердің өзіндік ізденісіне, сыни ойлау қабілетін дамытуға және практикалық зерттеу дағдыларын қалыптастыруға бағытталған. Эксперименттік оқыту форматы студенттерге тек дайын білімді меңгеруге емес, ғылыми мәселені өз бетінше талдап, шешім қабылдау қабілетін дамытуға мүмкіндік берді. Осындай әдістер қазіргі заманғы медициналық білім беруде аса маңызды болып табылады, себебі медицина ғылымының қарқынды дамуы тәжірибелік және аналитикалық құзыреттілікті талап етеді.
Сонымен қатар, қазіргі білім беру үдерісінде жасанды интеллект технологияларының қолданылуы да артып келеді. Дегенмен, жасанды интеллект ақпаратты жылдам өңдеу және деректерді талдау мүмкіндіктерін қамтамасыз еткенімен, ол студенттердің клиникалық ойлау қабілетін, коммуникативтік дағдыларын және практикалық тәжірибесін толық алмастыра алмайды. Сондықтан медициналық білім беруде жасанды интеллект құралдарын қосымша көмекші технология ретінде пайдалану тиімді, ал негізгі кәсіби дағдыларды қалыптастыру эксперименттік және практикалық оқыту арқылы жүзеге асырылады.



Іс-шара барысында кафедра меңгерушісі К.Э. Мхитарян қонақ ретінде қатысып, ал ғылыми жетекші м.ғ.к., профессор Хамида Рахимовна Абдикадирова басшылығымен ұйымдастырылған жұмыс жоғары ғылыми-әдістемелік деңгейде өтті. Студенттер жүргізілген тәжірибелік жұмыстар олардың ғылыми қызығушылығын арттырып, болашақ медициналық зерттеулерге жаңа идеялар қалыптастыруға мүмкіндік бергенін атап өтті.