Жаңалықтар

2025 жылғы 15-16 қазан аралығында Ташкент мемлекеттік медицина университетінде «Өзбекстан Республикасындағы қазақстандық медицина күндері» жобасы аясында Қазақстан мен Өзбекстан медициналық жастарының достық іс-шаралары өтуде.



Қарағанды медицина университетінің делегациясы:
- ҚМУ Басқарма Төрағасы-Ректор – Көшерова Бақыт Нұрғалиқызы,
- ҚМУ симуляциялық және білім беру технологиялары орталығының директоры – Кемелова Гүлшат Сейтмұратқызы
- ҚМУ Физикалық денсаулық орталығының аға оқытушысы – Радынская Ольга Николаевна.
- Студенттер:
Х.Ирискулов, Р.Шортанов, В.Хоменко, А.Акишева - олимпиада, ғылыми көрме қатысушылары.
И.Попандопуло, Д.Карибаев, А.Югай, Д.Дарханқызы, В.Огай – спартакиада қатысушылары.



Сапар барысында ҚМУ Басқарма Төрағасы-Ректор Б.Н. Көшерованың Өзбекстанның медициналық жастарымен «Медицинаның болашағы біздің қолымызда: университет әлеуетті ашу алаңы ретінде» тақырыбында кездесуі өтті.
ҚМУ симуляциялық және білім беру технологиялары орталығының директоры - Г.С. Кемелова «Білім алушылардың көшбасшылық қасиеттерін тьюторлық бағдарламасы арқылы қалыптастыру» мотивациялық дәрісін өткізді.



Стоматология бағыты бойынша халықаралық олимпиадада ҚМУ-нің студенттері В.Хоменко, А.Акишева 3-орынды иеленді (студенттерді оқытушы З.Н. Жұмабаева дайындады).
Спорттық жарыс қорытындысы бойынша ҚМУ студенттері келесі жүлделі орындарға ие болды:
- В.Огай – 400 метрге жүгіруден 2 орын
- И.Попандопуло – шахматтан– 3 орын
Қарағанды медицина университеті екі елдің болашақ дәрігерлері арасындағы әріптестік байланыстарды нығайтуға, тәжірибе алмасуға және достықты дамытуға бағытталған іс-шараларға белсенді қатысады.
Қарағанды медицина университеті делегациясының сапарының маңызды пункттерінің бірі – Ташкент мемлекеттік медицина университеті атынан профессор Ш.А. Боймурадов пен Қарағанды медицина университеті атынан Басқарма Төрағасы – Ректор Б.Н. Көшерова арасындағы Өзара түсіністік және ынтымақтастық туралы меморандумға қол қою.



Құжат студенттер мен оқытушылардың академиялық ұтқырлығын дамытуға, бірлескен ғылыми-зерттеу жобаларын ұйымдастыруға, медициналық білім беру саласында тәжірибе алмасуға, сондай-ақ академиялық әріптестіктің жаңа нысандарын құруға бағытталған.
Меморандум Орталық Азияның екі жетекші медициналық жоғары оқу орындары арасындағы халықаралық байланыстар мен ұзақ мерзімді ынтымақтастықты нығайтудағы маңызды қадам болмақ.