Жаңалықтар

2026 жылғы 17 сәуірде С.Д. Асфендияров атындағы Қазақ ұлттық медицина университетінде жыл сайынғы халықаралық студенттік пәндік олимпиада өтті. «Микробиология, вирусология, паразитология» секциясында Қарағанды медицина университетінің 6В05101 «Биомедицина» білім беру бағдарламасының студенттері — Жұмағали Қожахмет, Айдарбеков Мирас және Ерназарова Айдана қатысты. Олимпиада студенттердің кәсіби білімін, ғылыми талдау дағдыларын және командалық жұмыс қабілеттерін дамытуға бағытталды. Бұл іс-шараға қатысу студенттерге өздерінің кәсіби құзыреттерін көрсетуге, алған теориялық білімдерін тәжірибеде қолдануға, сондай-ақ басқа медициналық университеттердегі әріптестерімен тәжірибе алмасуға мүмкіндік берді, бұл олардың ғылыми көкжиегін кеңейтіп, кәсіби білімдерін тереңдетуге және халықаралық академиялық ынтымақтастықты дамытуға ықпал етті. Олимпиада қорытындысы бойынша біздің студенттер жоғары деңгейде өнер көрсетіп, 2-орынды иеленді.