Жаңалықтар

2024 жылғы 17 қаңтарда профессор С. М. Кабиеваның басшылығымен TBL (team-Based Learning) бағдарламасы бойынша пәнаралық сабақ өтті. TBL әдісінің басты артықшылықтарының бірі-сыни ойлауды дамыту.

Сабаққа университеттің профессорлық-педагогикалық құрамының өкілдері, резиденттер: кардиологтар, ревматологтар, клиникалық фармакологтар қатысты. Сарапшылар құрамына: биомедицина кафедрасының меңгерушісі, м.ғ. к., қауымдастырылған профессор Пономарева О. А., м. ғ. д., клиникалық фармакология және дәлелді медицина кафедрасының профессоры Дюсенбаева Н. К., м. ғ. к., ішкі аурулар кафедрасының профессоры, ревматолог мамандығы бойынша Алина А. Р., көпсалалы облыстық балалар ауруханасының ПҚІБҚ директорының орынбасары Жиембаева Г. Б., сондай-ақ резиденттерден рандомдық тәсілмен 2 өкіл анықталды.

Күрделі жағдайдың клиникалық талдауы екі пәнаралық команданың қатысуымен TBL форматында өтті. Бастапқы кезеңде пациенттің кураторлары резиденттерге нақты тәжірибеден клиникалық жағдай ұсынды. Содан кейін резиденттер командалары алынған ақпаратқа сүйене отырып, мәселені шешу және жауаптарды талқылау үшін жұмыс жасады. Спикерлердің баяндамасымен қатар резиденттер «Padlet» виртуалды тақтасының көмегімен нақты уақыт режимінде оқытушылардың сұрақтарына жауап берді.

Нақты клиникалық жағдаймен жұмыс істеу барысында резиденттер мәселенің барлық аспектілерін ескере отырып, әртүрлі тәсілдерді белсенді түрде талқылап, талдады, дәлелді пікірталастар жүргізді, мүмкін диагноздарды, терапевтік тәсілдер мен болжамдарды талқылады. Олар деректердің дұрыстығын бағалауды және ғылыми фактілер негізінде шешім қабылдауды үйренді. Бұл қатысушыларға болашақ табысты кәсіби қызмет үшін теориялық білім мен практикалық жұмыстың күрделілігін жақсы түсінуге мүмкіндік берді.

TBL әдісі команда құруға және топтық жұмыс дағдыларын дамытуға баса назар аударады. Сабақ барысында біз бір-бірімізге сенуді, тиімді қарым-қатынас жасауды және топ ішінде біліммен бөлісуді үйрендік. Топтық жұмыс бізді тәжірибе алмасуға, мәселелерді бірлесіп шешуге және көшбасшылық дағдыларды дамытуға ынталандырды. TBL әдісін қолдана отырып, оқу процесінің маңызды бөлігі оқытушылардың кері байланысы және студенттердің жеке дағдыларын дамыту болып табылады. Сабақ соңында біз өзіміздің күшті және әлсіз жақтарымызды түсінуге және одан әрі дамудың бағыттарын анықтауға мүмкіндік беретін кері байланыс алдық. 

TBL сабақтарына қатысу маған пайдалы дағдыларды игеруге және медицина саласындағы білімімді жетілдіруге мүмкіндік беретін құнды тәжірибе болды. Нақты клиникалық жағдаймен жұмыс істеу, сыни ойлауды дамыту, топтық жұмыс және кері байланыс алу маған сенімді және сауатты медицина қызметкері болуға көмектесті. TBL әдісі студенттерге фактілерді есте сақтауға ғана емес, сонымен қатар болашақ табысты практикалық іс-әрекетке қажетті дағдыларды дамытуға көмектесетін тиімді оқыту тәсілі болып табылады.