Жаңалықтар

14.11.24. «Қоғамдық денсаулық» мектебі 3-4 курс студенттері арасында «Қоғамдық денсаулық»/«Қоғамдық денсаулық сақтау» білім беру бағдарламасы бойынша студенттерді дайындау сапасын анықтау, оқу процесінде алған білімдерін одан әрі бекіту және тереңдету, сонымен қатар шығармашылық өсуді ынталандыру мақсатында халықаралық студенттік онлайн олимпиадасын өткізді.

Онлайн-олимпиадаға Қазақстанның және шет елдердің медициналық жоғары оқу орындарынан 43 студент қатысты. Онлайн олимпиада бір дұрыс жауапты таңдау арқылы 50 тест тапсырмасынан тұрды.

Қатысушылар тарапынан оқу барысында алынған білімнің жоғары деңгейі мен қызығушылығы атап өтілді. Олимпиада Moodle платформасында өтті. Осы олимпиаданың қорытындысы бойынша қатысушылар дипломдармен марапатталды.    Біздің жоғарғы оқу орыннан Байдулла Ақжүніс, Протасова Мария, Испутинова Наргуль, Құрманбек Ақсұнқар жүлделі орындарға ие болды