Жарнамалар

2025 жылдың 8 қазанында Қарағанды медицина университетінің Тілдерді дамыту орталығы Абай Құнанбайұлының 180 жылдық мерейтойы аясында «Абай және ұрпақтар мұрасы – сөз бен бейнелеу өнерінде» атты республикалық көлемде ұйымдастырылған шығармашылық кеште ҰҒА академигі, медицина ғылымдарының докторы, Қазақстан Суретшілер Одағының мүшесі М.Т.Әлиакпаровтың «Әке жолы. Перзент парызы» кітабының тұсаукесерін өткізеді.
Аталған іс-шараға ҚМУ студенттері мен оқытушылары, шығармашылық ұжымдары қатысады.
Іс-шара 08.10.2025ж. сағат 14:00-де басталады.
Өтетін орны: Қарағанды медицина университетінің акт залы (Гоголь көшесі, 40).
Университет ұжымын шығармашылық кеш қонағы болып, әдемі әсерге бөленуге шақырамыз.

ҚМУ Тілдерді дамыту орталығы