Жарнамалар

Құрметті әріптестер!
Қарағанды медицина университеті Erasmus+ бағдарламасы аясында Испаниядағы Гранада университетінде өтетін Staff Training Week бағдарламасына қатысу үшін Халықаралық ынтымақтастық бөлімі мен Стратегиялық даму бөлімінің қызметкерлеріне арналған ішкі конкурс жариялайды.

Іс-шара туралы:
Staff Training Week 2026 жылғы 20–24 сәуір аралығында Гранада университетінде өтеді. Бағдарлама Erasmus+ Key Action 2 (Capacity Building in Higher Education) жобаларын басқару саласында кәсіби даму үшін тренингтерді, семинарларды және практикалық сабақтарды қамтиды, сондай-ақ тәжірибе алмасу мен халықаралық байланыстарды орнатуды көздейді.
Іс-шараның жұмыс тілі – ағылшын тілі.

Қатысушыларға қойылатын талаптар:

• Халықаралық ынтымақтастық бөлімі және Стратегиялық даму бөлімінің қызметкері болу;
• Ағылшын тілін B2 деңгейінде меңгеру;
• Қатысу нәтижелері бойынша есеп ұсынуға дайын болу.

Қажетті құжаттар:

• Europass форматындағы CV;
• Паспорт көшірмесі.

Құжаттарды қабылдау мерзімі: 2025 жылғы 15 қазанға дейін
Құжаттарды Халықаралық ынтымақтастық бөліміне e-mail арқылы жіберу қажет: international@qmu.kz
Назар аударыңыз: конкурс негізінде іріктеу жүргізіледі.